Ўмон терма жамоаси бош мураббийи Карлуш Кейруш Эрондаги намойишчиларни қўллаб-қувватлаб пост ёзди.
Португалиялик 2011 йилдан 2019 йилгача ва 2022 йилда Эрон терма жамоасини бошқарган. У "Реал" ва Португалия терма жамоасида ҳам ишлаган.
"Бутун Эрон халқига, менинг қадрли футболчиларим, ходимларим ва дўстларимга. Мен кўп йиллар давомида эронликлар - ўйинчилар, штаб аъзолари, уларнинг оилалари ва дўстлари орасида бўлдим ва уларнинг ўз қадр-қимматини, илиқлик ва матонатини биламан.
Ушбу оғир, аммо умидли кунларда бутун қалбим ва фикрим билан Эрон халқи билан биргаман. Мен уларнинг хавфсизлиги ва фаровонлиги ҳақида қайғураман ва келажакда уларга тинчлик, хавфсизлик, тараққиёт ва фаровонлик тилайман", деди Кейруш.
