O‘mon terma jamoasi bosh murabbiyi Karlush Keyrush Erondagi namoyishchilarni qo‘llab-quvvatlab post yozdi.

Portugaliyalik 2011 yildan 2019 yilgacha va 2022 yilda Eron terma jamoasini boshqargan. U "Real" va Portugaliya terma jamoasida ham ishlagan.

"Butun Eron xalqiga, mening qadrli futbolchilarim, xodimlarim va do‘stlarimga. Men ko‘p yillar davomida eronliklar - o‘yinchilar, shtab a’zolari, ularning oilalari va do‘stlari orasida bo‘ldim va ularning o‘z qadr-qimmatini, iliqlik va matonatini bilaman.

Ushbu og‘ir, ammo umidli kunlarda butun qalbim va fikrim bilan Eron xalqi bilan birgaman. Men ularning xavfsizligi va farovonligi haqida qayg‘uraman va kelajakda ularga tinchlik, xavfsizlik, taraqqiyot va farovonlik tilayman", dedi Keyrush.