"Атлетико Минейро" ва "Флуминенсе" ҳужумчи Халкнинг Рио-де-Жанейро жамоасига ўтиши бўйича келишувга яқин турибди, деб хабар беради globo.com.
Музокараларда бир нечта шартлар илгари сурилди. Халкнинг 2026 йилда "Атлетико Минейро"га қарши ўйинларда иштирок этмаслиги, футболчининг хайрлашув ўйинини клубнинг Бело-Оризонтидаги уй стадионида ўтказиш ва "Флуминенсе" академиясидан футболчиларни трансфер қилиш бўйича музокаралар ўтказиш имконияти шулар жумласидандир.
Қайд этилишича, "Атлетико Минейро" форвард учун 60 миллион бразилия реалини сўраганида, "Флуминенсе" 39 ёшли Халкни қўлга кирита олмаганди.
Халк 2021 йил бошида эркин агент сифатида "Атлетико Минейро"га ўтди. У жамоа сафида 287 та ўйинда майдонга тушиб, 135 та гол урган ва 53 та голли узатмани амалга оширган.
