"Atletiko Mineyro" va "Fluminense" hujumchi Xalkning Rio-de-Janeyro jamoasiga o‘tishi bo‘yicha kelishuvga yaqin turibdi, deb xabar beradi globo.com.
Muzokaralarda bir nechta shartlar ilgari surildi. Xalkning 2026 yilda "Atletiko Mineyro"ga qarshi o‘yinlarda ishtirok etmasligi, futbolchining xayrlashuv o‘yinini klubning Belo-Orizontidagi uy stadionida o‘tkazish va "Fluminense" akademiyasidan futbolchilarni transfer qilish bo‘yicha muzokaralar o‘tkazish imkoniyati shular jumlasidandir.
Qayd etilishicha, "Atletiko Mineyro" forvard uchun 60 million braziliya realini so‘raganida, "Fluminense" 39 yoshli Xalkni qo‘lga kirita olmagandi.
Xalk 2021 yil boshida erkin agent sifatida "Atletiko Mineyro"ga o‘tdi. U jamoa safida 287 ta o‘yinda maydonga tushib, 135 ta gol urgan va 53 ta golli uzatmani amalga oshirgan.













