Жанубий Корея U-23 терма жамоаси бош мураббийи Ли Мин Сонг Ўзбекистонга қарши ўйиндан кейин ўз фикрларини билдириб ўтди.
«Биз режалаштирган ҳаракатларни амалга ошира олмадик ва оғир мағлубиятга учрадик, — деди кореялик мутахассис. — Бу албатта кўнгилсиз ҳолат, биз кўп жиҳатларда яхшиланишимиз керак.
Шунингдек, таркибни шакллантиришда ҳам айрим ноаниқликлар бўлди. Энди жамоамизни чуқур таҳлил қилиб, энг муҳими, кейинги ўйинларга пухта тайёргарлик кўришимиз лозим».













