Ярим ҳимоячи Конор Галлахер Испаниянинг "Атлетико" клубидан Англиянинг "Тоттенхэм" клубига ўтишни якунлаш учун тиббий кўрикдан ўтди. Бу ҳақда журналист Бен Жейкобс Х ижтимоий тармоғида маълум қилди.
"Конор Галлахер "Тоттенхэм"да тиббий кўрикдан муваффақиятли ўтди ва 5,5 йиллик шартнома имзолайди," - деб ёзади Жейкобс.
Аввалроқ, "Тоттенхэм" футболчининг тўлақонли трансфери учун 40 млн евро тўлашга тайёрлиги ҳақида хабарлар тарқалган эди.
Испания Примерасининг жорий мавсумида 25 ёшли Конор Галлахер 19 та ўйинда майдонга тушиб, 2 та гол уришга муваффақ бўлди. Шунингдек, инглизнинг ҳисобида Чемпионлар Лигасида олтита ўйин ва битта гол бор.
