АПЛнинг "Астон Вилла" клуби қишки трансфер ойнасида "Барселона"нинг испаниялик 25 ёшли форварди Ферран Торрес учун 60 млн евро таклиф қилди. Бу ҳақда Fichajes нашри ёзмоқда.
Манбаларнинг таъкидлашича, таклиф Каталония клуби ичида келишмовчиликларга сабаб бўлган, улар спорт ва молиявий устуворликлар ўртасида муросага келишга ҳаракат қилмоқда. Қайд этилишича, клубнинг молиявий аҳволи яхшиланган, аммо ҳали ҳам идеал даражадан анча узоқ.
Торрес 2022 йилда "Манчестер Сити"дан "Барселона"га ўтганди. Жорий мавсумда у Ла Лигада 18 та ўйин ўтказиб, 11 та гол урди ва 1 та голли узатмани амалга оширди.
