Чоршанба куни "Челси" ва "Арсенал" Лига кубоги ярим финалининг дастлабки ўйинини ўтказди. "Кўклар" "Стэмфорд Бриж"да дербида мағлуб бўлди - 2:3. Мураббий Лиам Росеньор рақибнинг кучини эътироф этди ва жамоасини мақтади.
"Бизга прессингда ўйнаш нуқтаи назаридан Европадаги энг кучли рақиб қаршилик кўрсатди, шу билан бирга оптимал таркибда. Футболчиларимнинг жасорати билан фахрланаман. Мен бу ерда олти кундан бери ишлаяпман, аммо натижа учун вақт сўрамаяпман - ўйлайманки, биз ҳозир ғалаба қозониш учун етарлича яхшимиз," - дея Росеньорнинг сўзларини келтиради журналист Бобби Винсент.
Жавоб учрашуви 3 февраль куни бўлиб ўтади. Футбол бўйича Англия Премьер Лигасининг 22-турида "Челси" 17 январь, шанба куни ўз уйида "Брентфорд"ни қабул қилади.
