"Интер" бош мураббийи Кристиан Киву А Серия 16-туридан ўрин олган "Лечче"га (1:0) қарши ўйиндан сўнг ўз фикрлари билан ўртоқлашди.
"Мен қийин бўлишини кутгандим, чунки "Наполи" билан якшанба кунги ўйинда бўлгани каби кўп энергия сарфлаб, тўлиқ натижага эриша олмаганингда, бу сенга босим ўтказади. 72 соатдан кейин кейинги ўйинга чиқиш энг қийин ишлардан бири бўлганини футболчи сифатида эслайман.
Қийинчиликларга қарамай, жамоа тўғри кайфиятда эди, охиригача ишонди ва ғалаба учун курашди. Бундай ўйинларда ютишдан кўра ютқазиш эҳтимоли кўпроқ. Йигитлар муваффақиятга лойиқ эдилар, чунки улар натижа учун ҳамма нарсани қилишди.
Авваллари қишки чемпион бўлганман, лекин бунинг аҳамияти йўқ. Май ойида чўққида бўлиш муҳим. Биз рақобатбардошмиз, аммо ҳар бир очко учун кураш мавсум охиригача давом этади", - деб ҳисоблайди Киву.
Турнир жадвалида "Интер" 2-поғонани бўлишиб турган "Милан" ва "Наполи"ни 6 очкога ортда қолдирмоқда.
