"Борнмут" ҳимоячиси Маркос Сенеси "Челси"га ўтиши мумкин эди.
Журналист Бен Жейкобснинг ёзишича, Лондон клубида январда амалга ошиши мумкин бўлган трансфер учун марказий ҳимоячи номзоди муҳокама қилинган. Бироқ "кўклар" аргентиналик футболчини ўз сафига қўшиб олишдан бош тортишга қарор қилди. Сабаби футболчининг ёши - май ойида у 29 ёшга тўлади.
Маркос Сенеси 2022 йилда "Фейеноорд"дан 15 миллион евро эвазига "Борнмут"га ўтганди. Унинг шартномаси 2026 йилнинг 30 июнига қадар мўлжалланган. Жорий мавсумда ҳимоячи 22 та ўйинда майдонга тушиб, 4 та голли узатмани амалга оширди. Transfermarkt портали аргентиналикни 22 миллион еврога баҳоламоқда.













