"Барселона" учдан ортиқ гол уриши мумкин бўлган ўйинда "Реал Сосьедад"га ютқазди.
Ханс-Дитер Флик жамоаси меҳмонда 1:2 ҳисобида мағлубиятга учради. Улар ўйин давомида рақиб дарвозасига 25 та (рақиб 7 та) зарба йўллаган бўлса, улардан 9 таси дарвозага аниқ борди (мезбонларда 6 та аниқ зарба).
"Кўк-анорранглилар"нинг кутилган голлари кўрсаткичи 3,69, рақибники эса 1,01 (таъкидлаш керакки, бу маълумотлар FlashScore сайтидан олинган бўлиб, у "Сосьедад"нинг расмий 7 та эмас, 8 та зарбасини ҳисоблаб чиққан).
Шунингдек, "Барселона" тўпга 72,7 фоиз эгалик қилди ва 6 та бурчак зарбаси амалга оширди.
