Нидерландиялик ҳужумчи Дониэлл Мален Италиянинг "Рома" клубига ўтгани ҳақида фикр билдирди. Унинг "Астон Вилла"дан ижараси «бўрилар»га 2 миллион еврога тушди.
«Мақсадим — ўйнаш ва гол уриш. Бу жамоа олдида катта вазифалар турибди ва мен бунга жуда қизиқяпман. Гасперини билан гаплашдимми? Ҳа, у мендан ҳужумда ўйнашимни, ҳимоячиларни алдашимни ва имкони борича кўпроқ гол уришимни истаяпти. Менимча, биз яхши жамоамиз ва энг кучлилар қаторидамиз. Шунинг учун ғалаба қозонишда давом этишимиз керак», — дея Маленнинг сўзларини Sky Sport Italy келтиради.
Мален янги клуби сафидаги илк ўйиноқдаёқ гол муаллифига айланди. 18 январь куни у "Торино" дарвозасини ишғол қилди. Яна бир голи эса офсайд сабаб бекор қилинди. Учрашув римликларнинг 2:0 ҳисобидаги ғалабаси билан якунланди.
