Niderlandiyalik hujumchi Doniell Malen Italiyaning "Roma" klubiga o‘tgani haqida fikr bildirdi. Uning "Aston Villa"dan ijarasi «bo‘rilar»ga 2 million yevroga tushdi.
«Maqsadim — o‘ynash va gol urish. Bu jamoa oldida katta vazifalar turibdi va men bunga juda qiziqyapman. Gasperini bilan gaplashdimmi? Ha, u mendan hujumda o‘ynashimni, himoyachilarni aldashimni va imkoni boricha ko‘proq gol urishimni istayapti. Menimcha, biz yaxshi jamoamiz va eng kuchlilar qatoridamiz. Shuning uchun g‘alaba qozonishda davom etishimiz kerak», — deya Malenning so‘zlarini Sky Sport Italy keltiradi.
Malen yangi klubi safidagi ilk o‘yinoqdayoq gol muallifiga aylandi. 18 yanvar kuni u "Torino" darvozasini ishg‘ol qildi. Yana bir goli esa ofsayd sabab bekor qilindi. Uchrashuv rimliklarning 2:0 hisobidagi g‘alabasi bilan yakunlandi.
