"Манчестер Сити" спорт директори Угу Виана ҳимоячи Марк Гехи трансфери ҳақида фикр билдирди.
Маълумки, "шаҳарликлар" футболчини "Кристал Пэлас"дан 20 миллион фунт стерлинг ва бонуслар эвазига сотиб олди.
"Очиғини айтганда, Марк [Гехи] анча вақтдан бери инглиз футболининг энг яхши ҳимоячиларидан бири ҳисобланади. Шунинг учун уни "Ман Сити"га олиб келганимиздан жуда хурсандмиз. Менимча, биз жамоамизни янада ривожлантиришга ёрдам берадиган улкан истеъдод эгаси билан шартнома имзоладик.
У атиги 25 ёш, аммо у аллақачон етакчи эканини, юксак профессионаллигини ва ўз устида тинмай ишлашга чанқоқ эканини исботлаб бўлди.
У жисмонан кучли, ҳимояда алоҳида сифатларга эга, ўйинни жуда яхши ўқийди ва ҳар сафар майдонга тушганда катта иштиёқ ҳамда энергия олиб киради. Марк карьерасининг энг яхши йилларига қадам қўяпти.
Ишонаманки, "Сити"нинг ҳар бир мухлиси унинг ҳаворанг либосда қанчалик юқори даражада ўйнай олишини кўришдан мамнун бўлади", — деди Виана.
