"Manchester Siti" sport direktori Ugu Viana himoyachi Mark Gexi transferi haqida fikr bildirdi.

Ma’lumki, "shaharliklar" futbolchini "Kristal Pelas"dan 20 million funt sterling va bonuslar evaziga sotib oldi.

"Ochig‘ini aytganda, Mark [Gexi] ancha vaqtdan beri ingliz futbolining eng yaxshi himoyachilaridan biri hisoblanadi. Shuning uchun uni "Man Siti"ga olib kelganimizdan juda xursandmiz. Menimcha, biz jamoamizni yanada rivojlantirishga yordam beradigan ulkan iste’dod egasi bilan shartnoma imzoladik.

U atigi 25 yosh, ammo u allaqachon yetakchi ekanini, yuksak professionalligini va o‘z ustida tinmay ishlashga chanqoq ekanini isbotlab bo‘ldi.

U jismonan kuchli, himoyada alohida sifatlarga ega, o‘yinni juda yaxshi o‘qiydi va har safar maydonga tushganda katta ishtiyoq hamda energiya olib kiradi. Mark karyerasining eng yaxshi yillariga qadam qo‘yapti.

Ishonamanki, "Siti"ning har bir muxlisi uning havorang libosda qanchalik yuqori darajada o‘ynay olishini ko‘rishdan mamnun bo‘ladi", — dedi Viana.