"Реал" бош мураббийи Альваро Арбелоа Чемпионлар лигаси доирасида "Монако"га қарши ўйин олдидан жамоа яхши ҳолатда эканини таъкидлади.
Ўтган ҳафта давомида мадридликлар Испания Суперкубоги финалида "Барселона"га мағлуб бўлди, мамлакат Кубогидан "Альбасете"га ютқазиб чиқиб кетди ҳамда Ла Лиганинг аутсайдери "Леванте"ни қийинчилик билан мағлуб этди.
Каталонияликларга қарши мағлубиятдан кейин жамоани Хаби Алонсо тарк этди ва унинг ўрнини Арбелоа эгаллади.
"Жамоа яхши ҳолатда. Футболчилар ўйнашни жуда истаяпти. Шанба куни қўлга киритилган ғалаба бизга қўшимча туртки берди", — дея мутахассис сўзларини келтирди УЕФА матбуот хизмати.
Учрашув Тошкент вақти билан соат 01:00 да бошланади. Олти турдан сўнг "Реал" 12 очко билан турнир жадвалида 7-ўринни эгаллаб турибди. "Монако" ҳисобида 9 очко бўлиб, жамоа 19-поғонада жойлашган.
