"Ливерпуль" бош мураббийи Арне Слот унинг ўрнига Хаби Алонсо тайинланиши мумкинлиги ҳақидаги маълумотга изоҳ берди.
Испаниялик мутахассис "Реал"дан истеъфога чиқарилгач, ишсиз қолди. Ўшандан бери ОАВда "қизиллар"нинг собиқ ярим ҳимоячиси ҳозирги бош мураббий ўрнига келиши мумкинлиги ҳақида тинимсиз гап-сўзлар юрибди.
"У менга қўнғироқ қилиб, шу ерда ишлашини айтдими? Йўқ, йўқ, йўқ. Менга берилган энг ғалати саволлардан бири. Бу ҳақда нима дейишим мумкин? Бир ярим йилдан бери шу ердаман, гарчи ҳозир бизда жиддий қийинчиликлар бўлса-да, ишим ўзимга ёқади, бу аниқ," - деди Слот Чемпионлар Лигаси доирасидаги "Марсель"га қарши ўйин олдидан ўтказилган матбуот анжуманида.
Нидерландиялик мураббийнинг шартномаси 2027 йилнинг ёзига қадар мўлжалланган.
