ФИФА президенти Жанни Инфантино Давосдаги Жаҳон иқтисодий форумидаги нутқидан сўнг Англия футбол мухлислари ассоциацияси (FSA) томонидан танқид қилинди.

Инфантино Швейцарияда сўзлаган нутқида Қатарда бўлиб ўтган ЖЧ-2022 вақтида "деярли ҳеч қандай ҳодиса бўлмагани"ни айтди ва "жаҳон чемпионатлари тарихида биринчи марта бирорта британиялик ҳибсга олинмагани"ни алоҳида таъкидлади.

"Тасаввур қилинг! Бу ҳақиқатан ҳам ўзига хос нарса", - деди Инфантино.

FSA бу сўзларга кескин муносабат билдирди. Ташкилот баёнотида айтилишича, ФИФА президенти мухлислар ҳақидаги "арзон ҳазиллар"га эмас, балки ЖЧ-2026 учун "арзон чипталар"га эътибор қаратиши керак.