Эрон чемпионати 17-турида "Персеполис" ўз майдонида "Сепахон"ни енгди - 2:1.

Ўйинда ғолиблар сафидаги голларни Ўзбекистон миллий жамоаси ҳужумчилари киритди. Дастлаб, 49-дақиқада Остон Ўрунов ҳисобни очган бўлса, 70-дақиқада Ўруновнинг пасидан сўнг Игорь Сергеев орадаги фарқни оширди. Рикардо Алвес 90+8-дақиқада пенальтидан меҳмонларнинг ягона жавоб голини киритди.

Игорь Сергеев 90+5-дақиқада рақиб болдирини бутсасининг таг қисми билан эзгани учун тўғридан-тўғри майдондан четлатилди.

"Персеполис" 31 очко билан "Сепахон"га тенглашди. Улар 1- ва 2-ўринда бормоқда.