Германия Бундеслигасининг 19-турида "Бавария" ўз майдонида "Аугсбург"га ютқазиб қўйди - 1:2.

Учрашувнинг 23-дақиқасида мюнхенликлар ҳимоячиси Хироки Ито ҳисобни очди. 75-дақиқада меҳмонлар Артур Чавеснинг голи эвазига жавоб қайтарди. Орадан 6 дақиқа ўтиб, Хан-Но Массенго "Аугсбург"ни ҳисобда олдинга олиб чиқди.

"Бавария" Бундеслиганинг ушбу мавсумида илк бор мағлубиятга учради. 50 очко билан Венсан Компани жамоаси пешқадамликни сақлаб турибди.

"Аугсбург" (19 очко) 5 ўйиндан иборат ғалабасиз сериясига барҳам бериб, турнир жадвалида 13-ўринга кўтарилиб олди.

Бавария - Аугсбург - 1:2

Голлар: Ито, 23 (1:0). А. Чавес, 75 (1:1). Массенго, 81 (1:2)

Бавария: Урбиг, Ито (Бишоф, 79), Ким Мин Джэ (Ф. Чавес, 85), Та, Дэйвис (Киммих, 61), Горецка (Джексон, 79), Павлович, Диас, Карл (Мусиала, 61), Олисе, Кейн

Аугсбург: Дамен, Цезигер, Шлоттербек, А. Чавес (Вольф, 85), Яннулис, Реджбечай (Кайтель, 75), Массенго, Фелльхауэр, Клод-Морис, Ридер (Кемюр, 75), Каде (Эссенде, 63)

Огоҳлантириш: Та, 74