"Барселона" бош мураббийи Ханс-Дитер Флик якшанба куни бўлиб ўтган Ла Лига доирасидаги "Реал Овьедо"га қарши ўйиннинг биринчи бўлимида жамоа ишончсиз ўйнаганини тан олди.
Каталония гранди чемпионатнинг асосий аутсайдери устидан йирик ҳисобда ғалаба қозонди (3:0), аммо учала гол ҳам танаффусдан кейин киритилди.
"Биринчи бўлим муваффақиятсиз ўтгани учун ўзимни оқламоқчи эмасман, аммо биз тўхтовсиз ўйнаяпмиз. Саудия Арабистонидаги ҳафта, ҳар уч кунда ўйин, Прагадаги совуқ... Буларнинг барчаси таъсир кўрсатмоқда," - дея Фликнинг жавобини келтиради Barca Universal.
