"Манчестер Юнайтед"нинг машҳур собиқ футболчиси Пол Скоулз жамоа марказий ҳимоячиси Харри Магуайр ҳақида фикр билдирди.

32 ёшли футболчи Майкл Кэррик даврида "қизил иблислар" асосий таркибига қайтди ва жамоанинг "Манчестер Сити" (2:0) ва "Арсенал" (3:2) устидан ғалаба қозонишига ёрдам берди.

"Магуайр аввалги мавқеини ҳисобга олган ҳолда ақл бовар қилмайдиган характер кўрсатди. Ахир уни ҳатто ўз мухлислари ҳам масхара қилишган-ку?

Унинг майдонда курашаётганини кўриб, завқланяпман. Унда энергия кўриниб турибди, у ғайратга тўла," - дея Скоулзнинг сўзларини келтиради UtdDistrict.