"Ренн" марказий ҳимоячиси Жереми Жаке фаолиятини Англияда давом эттиради.
Topskills Sport UK хабарига кўра, 20 ёшли футболчи "Ливерпуль" ва бошқа топ-клубларнинг қизиқишларига қарамай, "Челси"га ўтишга қарор қилган. "Кўклар" ва французлар жамоаси ўртасидаги музокаралар давом этмоқда. Бироқ, январь ойида битим тузиш қийин ҳисобланади. Катта эҳтимол билан, Жаке ёзда "Челси"га ўтади.
Жереми Жаке "Ренн" тарбияланувчиси ҳисобланади. Унинг шартномаси 2029 йилнинг 30 июнига қадар имзоланган. Жорий мавсумда ҳимоячи барча мусобақаларда 18 та ўйинда майдонга тушди. Transfermarkt портали Жакени 20 миллион еврога баҳоламоқда.













