"Барселона" бош мураббийи Ханс-Дитер Флик вингер Ламин Ямалнинг ўйини ҳақида фикр билдирди.

18 ёшли футболчи Чемпионлар лигаси умумий босқичининг сўнгги туридан ўрин олган "Копенгаген"га (4:1) қарши чоршанба кунги ўйинда гол ва самарали узатма муаллифига айланди.

"Мен Ламиндан жуда мамнунман. У ривожланмоқда ва у ўз ишида жуда яхши. Ямал биз учун жуда муҳим. У яккама-якка курашда қандай ажойиб тарзда ғалаба қозонаётгани ва гол ураётганини ҳамма кўриб турибди," - деди Флик матбуот анжуманида.

Айнан Ламин Ямал УЕФА томонидан "Копенгаген"га қарши ўйиннинг энг яхши футболчиси деб топилди. Испаниялик вундеркинднинг ҳисобида Чемпионлар Лигасининг жорий мавсумида ўтказилган олтита учрашувда жами учта гол ва битта голли узатма бор.