"Барселона" бош мураббийи Ханс-Дитер Флик ўз лавозимидаги натижаларига баҳо берди.
Чоршанба куни "кўк-анорранглилар" Чемпионлар лигаси умумий босқичининг сўнгги турида "Копенгаген"ни тор-мор этишди (4:1). Бу Каталония грандининг германиялик мураббий қўл остидаги 70-ғалабаси бўлди - бундай кўрсаткичга эришиш учун бор-йўғи 93 та ўйин керак бўлди.
"Менинг давримда 93та ўйинда 70та ғалаба? Бу етарлича яхши натижа эмас. Барча ўйинларда ғалаба қозонишни истайман, аммо бунинг иложи йўқлигини тушунаман. Айтганча, ўзингиз биласиз, мен статистика мухлиси эмасман, шунинг учун унга тўлиқ ишонмайман. Ҳа, баъзида унга мурожаат қиламан, лекин ҳар доим эмас," - дея Фликнинг сўзларини келтиради BarcaTimes.
Эслатиб ўтамиз, "Барселона"нинг амалдаги мураббийи 2024 йилнинг ёзида Хави Эрнандес ўрнини эгаллаган эди.
