"Barselona" bosh murabbiyi Xans-Diter Flik o‘z lavozimidagi natijalariga baho berdi.

Chorshanba kuni "ko‘k-anorranglilar" Chempionlar ligasi umumiy bosqichining so‘nggi turida "Kopengagen"ni tor-mor etishdi (4:1). Bu Kataloniya grandining germaniyalik murabbiy qo‘l ostidagi 70-g‘alabasi bo‘ldi - bunday ko‘rsatkichga erishish uchun bor-yo‘g‘i 93 ta o‘yin kerak bo‘ldi.

"Mening davrimda 93ta o‘yinda 70ta g‘alaba? Bu yetarlicha yaxshi natija emas. Barcha o‘yinlarda g‘alaba qozonishni istayman, ammo buning iloji yo‘qligini tushunaman. Aytgancha, o‘zingiz bilasiz, men statistika muxlisi emasman, shuning uchun unga to‘liq ishonmayman. Ha, ba’zida unga murojaat qilaman, lekin har doim emas," - deya Flikning so‘zlarini keltiradi BarcaTimes.

Eslatib o‘tamiz, "Barselona"ning amaldagi murabbiyi 2024 yilning yozida Xavi Ernandes o‘rnini egallagan edi.