"Манчестер Юнайтед" марказий ҳимоячиси Харри Магуайр мураббий Майкл Кэррикнинг машғулотлари ҳақида гапирди.

"У аксарият машғулотларда ўзи ҳам қатнашади ва ҳали ҳам тўп узатиш машқларида ўз маҳоратини намойиш этмоқда. У чизиқлар орасида жуда яхши тўп узатади, худди ҳали ҳам ўйнаётгандек.

Ўтган куни у машқни қандай бажариш кераклигини кўрсатиб, иккита пас берди. Ҳамма 300га яқин пас берди, аммо унинг иккита узатмаси мен кўрган энг яхши узатма бўлди," - дея Магуайрнинг сўзларини келтиради инглиз ОАВ.

Майкл Кэррик январь ойида "қизил иблислар"нинг вақтинчалик бош мураббийи лавозимини эгаллади. 44 ёшли собиқ ярим ҳимоячи аввалроқ истеъфога чиқарилган Рубен Аморим ўрнига тайинланди.