«Бавария» ярим ҳимоячиси Леон Горецка қишки трансфер ойнасида Мадриднинг «Атлетико» клубига ўтиш ниятида эмас.
«Матрасчилар» 30 ёшли футболчини жорий ойдаёқ таркибига қўшиб олишни режалаштирган эди. Флориан Плеттенберг маълумотларига кўра, пайшанба куни янги музокаралар ўтказилган ва мюнхенликлар битимни маъқуллашга тайёр бўлган. Бироқ Горецканинг ўзи ёзда якунланадиган «Бавария» билан амалдаги шартномасини охиригача бажаришга қатъий қарор қилган. Агар кутилмаган ҳолат юз бермаса, трансфер амалга ошмайди.
Леон Горецкага «Милан» ҳам қизиқиш билдирмоқда. Немис футболчиси ярим йилдан сўнг эркин агент сифатида клубини ўзгартириши мумкин.
