"Рома" "Панатинаикос" билан 1:1 ҳисобида дуранг ўйнади ва март ойида бўлиб ўтадиган Европа Лигаси 1/8 финалига тўғридан-тўғри йўлланмани қўлга киритди.
"Бўрилар" бош мураббийи Жан Пьеро Гасперини яқин учрашувларда Пауло Дибала жамоага ёрдам бермаслигини маълум қилди. Аргентиналик футболчи тиззасидан олган жароҳати туфайли захирада қолдирилди.
"Эртага аниқ билиб оламиз. "Удинезе" билан учрашув борасида унчалик ишончим комил эмас, лекин умид қиламанки, у тез орада тикланади.
Мален - аниқ яхши вариант, кейин уч футболчини қандай алмаштиришни кўрамиз. Ҳозир қийин бўлди, аммо бизда баъзи футболчиларни тиклаш учун вақт бор.
Эрмосо умумий гуруҳга қайтмоқда, Эль-Шаарави тикланишга яқин. Хавотирга солаётган ягона одам - Коне, кўрамиз, Дибала нима бўларкин. Булар муҳим ўйинчилар", деди Гасперини.
2 февраль куни "Рома" Италия чемпионатида "Удинезе"га қарши баҳс олиб боради.
