Ханс-Дитер Флик Ла Лига доирасидаги "Эльче"га қарши ўйин олдидан "Барселона" таянч ярим ҳимоячиси Марк Берналь ҳақида илиқ фикрлар билдирди.

«Мен 100% ишончим комилки, Марк Берналь — бу клуб келажаги учун калит ва жуда муҳим футболчи.

У ҳамма ишни жуда яхши бажармоқда, унинг сифатини баҳолашимиз мумкин. Буни "Копенгаген"га қарши ўйинда ҳам кўрдик.

Лекин у ёш футболчи эканини ва оғир жароҳатдан қайтаётганини ҳам унутмаслигимиз керак.

Биз унга эҳтиёткорлик билан ёндашишимиз ва ғамхўрлик қилишимиз шарт. У ҳозир 90, 60, 45 ёки 30 дақиқа ўйнайдими — бу муҳим эмас. Муҳими, ҳаммаси босқичма-босқич бўлиши керак», - деди 60 ёшли немис мутахассиси.

18 ёшли Берналь жорий мавсумда жами 15 та ўйинда 1 та голли узатма амалга оширди.