"Фиорентина" тез орада ҳужумчиси Адем Ляйич билан янги шартнома борасида келишувга эришади, дея хабар бермоқда "II Tirreno".
Клуб раҳбарияти сербиялик футболчига аллақачон маошини 750 минг евродан миллион еврогача кўтаришни таклиф қилган. Аммо ўшанда рад жавобини олганди. Энди ўйинчига йилига 1,6 миллион евро маош ва 2018 йилгача шартнома таклиф қилинмоқда. Агар Адам ушбу таклифга ҳам кўнмаса, у ҳолда флоренцияликлар уни сотиш вариантини кўриб чиқишга ўтадилар.
Эслатиб ўтиш жоиз, ўтган мавсум Ляйич Италия чемпионати ва кубоги баҳслари доирасида 31 ўйинда майдонга тушган ва 12та гол муаллифи бўлиб, 7та самарали тўп узатишни амалга оширганди.













