"Манчестер Юнайтед" бош мураббийи вазифасини бажарувчи Майкл Кэррик жамоа ҳужумчиси Брайан Мбеумо ҳақида фикр билдирди.
"Менимча, Брайан - универсал. Биласизми, у ҳужумда турли ролларни ўйнаши мумкин. Тўғрисини айтганда, ҳужум чизиғидаги деярли барча йигитларимиз меъёр доирасида турли ролларни ўйнай олишади. Брайан интизом борасида муҳим роль ўйнайди," - деб Кэррикнинг сўзларини келтиради Manchester United Forever.
"Манчестер Юнайтед" 26 ёшли ҳужумчини 2025 йилнинг ёзида "Брентфорд"га 75 миллион евро эвазига сотиб олганди. "Қизил иблислар" сафида камерунлик футболчи Премьер-лигада 18 та ўйинда майдонга тушиб, 8 та гол урди ва 1 та голли узатмани амалга оширди.
