IFAB (Футбол қоидаларини тартибга солувчи ташкилот) Лондондаги йиғилишида бир қатор янгиликларни муҳокама қилди. Ушбу қоидалар 28 февраль куни бўлиб ўтадиган Бош Ассамблеяда расман тасдиқланиши кутилмоқда.
Кутилаётган асосий ўзгаришлар:
ВАР ва бурчак тўплари: Энди ВАР ҳакамлари нотўғри белгиланган бурчак тўпларини тузатиш ҳуқуқига эга бўлади.
Иккинчи сариқ карточка: ВАР хато берилган ва қизил карточкага сабаб бўлган (иккинчи) сариқ карточкаларни текшириши мумкин бўлади.
8 сония қоидаси: Энди нафақат дарвозабонлар, балки тўпни ўйинга киритиш (аут) ва дарвозадан тўпни тепиб беришда ҳам 8 сониялик чеклов амал қилади.
Тезкор алмаштириш: Захирага олинаётган футболчи майдонни 10 сония ичида тарк этиши шарт. Акс ҳолда санкциялар қўлланилиши мумкин.
Қачондан кучга киради?
Қоидалар одатда 1 июндан бошлаб кучга киради. Бу дегани, ушбу ёзда АҚШ, Мексика ва Канадада бўлиб ўтадиган ЖЧ-2026 турнири янги қоидалар остидаги илк катта мусобақа бўлиши мумкин!
Асосий шарт: ВАР текширувлари ўйинни тўхтатиб қўймаслиги ва суръатни туширмаслиги керак. Айниқса, бурчак тўпларини текшириш тезкор амалга оширилиши шарт.
