"Барселона" вингери Ламин Ямал испан футболининг навбатдаги рекордини янгилади.
18 ёшли футболчи шанба куни "Эльче"га қарши кечган ва каталонияликларнинг 3:1 ҳисобидаги ғалабаси билан якунланган ўйинда саккизта голли вазият яратди. Opta маълумотларига кўра, Ямал маълумотлар тўпланган вақт давомида (2003/04 йилги мавсумдан бери) Ла Лига ўйинида бундай кўрсаткичга эришган 20 ёшгача бўлган биринчи футболчи ҳисобланади.
Айнан Ламин Ямал учрашувнинг энг яхши футболчиси деб топилди. У "кўк-анорранглилар"нинг "Эльче" дарвозасига киритган биринчи голига муаллифлик қилди.
3 февраль куни Ханс-Дитер Флик жамоаси Испания кубоги чорак финалида "Альбасете" меҳмони бўлади.
