"Barselona" vingeri Lamin Yamal ispan futbolining navbatdagi rekordini yangiladi.
18 yoshli futbolchi shanba kuni "Elche"ga qarshi kechgan va kataloniyaliklarning 3:1 hisobidagi g‘alabasi bilan yakunlangan o‘yinda sakkizta golli vaziyat yaratdi. Opta ma’lumotlariga ko‘ra, Yamal ma’lumotlar to‘plangan vaqt davomida (2003/04 yilgi mavsumdan beri) La Liga o‘yinida bunday ko‘rsatkichga erishgan 20 yoshgacha bo‘lgan birinchi futbolchi hisoblanadi.
Aynan Lamin Yamal uchrashuvning eng yaxshi futbolchisi deb topildi. U "ko‘k-anorranglilar"ning "Elche" darvozasiga kiritgan birinchi goliga mualliflik qildi.
3 fevral kuni Xans-Diter Flik jamoasi Ispaniya kubogi chorak finalida "Albasete" mehmoni bo‘ladi.
