«Ювентус» «Болонья» ҳимоячиси Эмиль Холмнинг трансфери бўйича оғзаки келишувга эришди. Бу ҳақда инсайдер Фабрицио Романо хабар берди.

Кеча футболчи билан шахсий шартнома шартлари келишиб олинган эди, эндиликда клублар ўртасида ҳам сотиб олиш ҳуқуқи билан ижара масаласида келишув бор.

Аввалроқ Холм «Ювентус» ҳимоячиси Жоау Мариу Нетуга алмаштирилиши мумкинлиги айтилган эди. Романо маълумотига кўра, режа бўйича иш битса, Жоау Мариу алоҳида шартнома асосида ижарага «Болонья»га ўтади.

Эмиль Холм жорий мавсумда А Серияда 11 та ўйин ўтказиб, 1 та гол урди ва 4 та голли узатма берди.

Жоау Мариу эса Италия чемпионати-2025/26 мавсумида 10 та учрашувда майдонга тушиб, 1 та сариқ карточка олган.