Ҳужумчи Жошуа Зиркзее "Манчестер Юнайтед"да қолиш ниятида.
Футболчи Майкл Кэррик қўл остидаги таркиб учун курашмоқчи. Аввалроқ, Зиркзе билан Италиянинг бир неча клублари боғланган эди.
Жорий мавсумда Жошуа "Манчестер Юнайтед" сафида 16 та учрашув ўтказди. Уларда ҳужумчи иккита гол урди ва битта голли узатмани амалга оширди. Футболчининг меҳнат шартномаси 2029 йилнинг ёзигача амал қилади. Transfermarkt портали футболчининг нархини 25 млн еврога баҳоламоқда.













