«Фенербахче» ва «Ал-Иттиҳод» ўртасида Н’Голо Канте ва Юссеф Эн-Несири алмашинуви амалга ошмади.
Аввалроқ клублар келишувга эришган эди: Канте «Фенербахче»га ўтиши, эвазига «Ал-Иттиҳод» Эн-Несири ва 4 миллион евро олиши керак эди.
Бироқ инсайдер Фабрицио Романо хабар беришича, трансфер ойнаси ёпилиши арафасида ҳужжатлар билан боғлиқ муаммолар сабабли битим бекор қилинди. Икки клуб ҳам TMS (трансферларни мувофиқлаштириш платформаси) орқали тасдиқ ололмади. ФИФА ҳар икки томоннинг апелляциясини рад этди.













