Туркиянинг "Фенербахче" клуби трансфер бозорида фаолликни давом эттирмоқда. 3 февраль куни жамоа "Ал-Иттиҳод"дан ярим ҳимоячи Н'Голо Кантени ўз сафига қўшиб олди, яқин вақт ичида эса "Ал-Ҳилол" ҳужумчиси Дарвин Нуньес трансферини якунлашга умид қилмоқда.
Туркия клуби раҳбарияти Нуньесни 6 ойга ижарага олиш бўйича расмий таклиф юборди. Бу ҳақда журналист Серкан Ҳамзаоғлу хабар бермоқда. Агар Нуньес бўйича музокаралар боши берк кўчага кириб қолса, "Фенербахче" "Рома"дан Артём Довбикни сотиб олиш вариантини кўриб чиқади.
Жорий мавсумда 26 ёшли уругвайлик футболчи клуб миқёсидаги 22 та ўйинда 7 та гол урди ва 5 та голли узатмани амалга оширди.
