"Манчестер Сити" бош мураббийи Хосеп Гвардиола жамоа ҳужумкор ярим ҳимоячиси Фил Фоденнинг ҳозирги формаси ҳақида фикр билдирди. Сўнгги ўйинларда 25 ёшли хавбек асосий таркибдаги ўрнини йўқотди.

"Қадам-бақадам у қайтишга яқинлашиб боради. У менинг ўғлим. У бизнинг ўғлимиз. Биз уни ҳимоя қилишга ва энг яхши формасига қайтишига ёрдам беришга ҳаракат қиламиз. У бор-йўғи одам. Саккиз-тўққиз йиллик карьерада паст-баландликлар бўлади. Ҳаммаси оддий. Мен Филнинг истеъдодига ва унинг биз учун қанчалик муҳимлигига шубҳа қилмоқчи эмасман", - дея Гвардиоланинг сўзларини келтиради City Report.

Жорий мавсумда Фоден барча турнирларда 33 та ўйинда майдонга тушиб, 10 та гол урди ва 4 та голли узатмани ўз ҳисобига ёздириб қўйди.