"Manchester Siti" bosh murabbiyi Xosep Gvardiola jamoa hujumkor yarim himoyachisi Fil Fodenning hozirgi formasi haqida fikr bildirdi. So‘nggi o‘yinlarda 25 yoshli xavbek asosiy tarkibdagi o‘rnini yo‘qotdi.
"Qadam-baqadam u qaytishga yaqinlashib boradi. U mening o‘g‘lim. U bizning o‘g‘limiz. Biz uni himoya qilishga va eng yaxshi formasiga qaytishiga yordam berishga harakat qilamiz. U bor-yo‘g‘i odam. Sakkiz-to‘qqiz yillik karyerada past-balandliklar bo‘ladi. Hammasi oddiy. Men Filning iste’dodiga va uning biz uchun qanchalik muhimligiga shubha qilmoqchi emasman", - deya Gvardiolaning so‘zlarini keltiradi City Report.
Joriy mavsumda Foden barcha turnirlarda 33 ta o‘yinda maydonga tushib, 10 ta gol urdi va 4 ta golli uzatmani o‘z hisobiga yozdirib qo‘ydi.
