«Ливерпуль» ярим ҳимоячиси Алексис Мак Аллистер фаолиятини Испанияда давом эттириши мумкин.

Журналист Марио Кортегананинг маълумотларига кўра, ўтган мавсумда «Реал»нинг собиқ бош мураббийи Карло Анчелотти Мадрид клуби раҳбариятидан аргентиналик футболчи билан шартнома имзолашни сўраган эди. Ўшанда келишув амалга ошмаган бўлса-да, «қаймоқранглилар» футболчидан ижобий жавоб олишган.

Мак Аллистерга ҳамон «Реал»да хайрихоҳлик билан қарашмоқда. Унинг 2028 йил ёзигача мўлжалланган шартномаси бор, агар Мадрид клуби футболчини сотиб олишга яна бир бор уриниб кўрса, потенциал трансферни анча ҳақиқатга яқин қилиши мумкин.

Алексис Макаллистер 2023 йилда «Брайтон»дан «Ливерпуль»га 42 миллион евро эвазига ўтган эди. Жорий мавсумда аргентиналик футболчи «қизиллар» сафида барча турнирларда 34 та ўйин ўтказиб, 3 та гол урди ва 4 та голли узатмани амалга оширди.