«Челси»нинг собиқ вингери Раҳим Стерлинг фаолиятини Европадан ташқарида давом эттириши мумкин. Transfer News Live нашрининг хабар беришича, 31 ёшли футболчига БААнинг «Палм Сити» клуби қизиқиш билдирмоқда. Ҳозирча ушбу вариант англиялик футболчининг ўзи учун қай даражада қизиқарли экани номаълум.
Раҳим Стерлинг 2022 йил ёзидан бери «Челси»га тегишли эди, унгача эса «Манчестер Сити» ва «Ливерпуль» клублари шарафини ҳимоя қилган. Футболчи Англия Премьер-лигасидаги 396 та ўйинда 123 та гол ва 75 та голли узатмани амалга оширган. Шунингдек, мамлакат миллий терма жамоаси сафидаги 82 та баҳсда 20 та гол ва 27 та ассистни ўз ҳисобига ёздириб қўйган.
Эслатиб ўтамиз, Стерлинг ва «Челси» ўртасидаги шартнома шу йилнинг январь ойи охирида бекор қилинган эди.
