Бугун, 5 феврал куни «Динамо» жамоаси Тошкентда Нукуснинг «Арал» клубига қарши майдонга тушди.
Учрашувда Вадим Абрамов шогирдлари Неъматилла Қутибоев мураббийлигидаги Про лига иштирокчисини йирик ҳисобда мағлуб этишди.
Ўйиннинг 2-дақиқасида Анваржон Ҳожимирзаевнинг узатмасидан кейин Азизбек Амонов ҳисобни очган бўлса, 8-дақиқада яна Ҳожимирзаевнинг узатмасидан кейин ҳужумга етиб келган уругвайлик ҳимоячи Мауро Бразил боши билан ажойиб голга муаллифлик қилди – 2:0.
Иккинчи бўлимда эса Нурилло Тўхтасинов ва Миржаҳон Мираҳмадов ҳисобни янада йириклаштирди – 4:0.
Бугунги баҳсда франциялик ҳимоячи Маҳаммаду Дембеле самарқандликлар кўригида қатнашди.
Ўртоқлик ўйини. 5 феврал
«Динамо» - «Арал» - 4:0
Голлар: Азизбек Амонов 2, Мауро Бразил 8, Нурилло Тўхтасинов 55, Миржаҳон Мираҳмадов 77.
«Динамо»: Эдем Неманов, Санжар Қодирқулов, Жалолиддин Жумабоев, Жаҳонгир Ўрозов, Маҳаммаду Дембеле, Драмане Салоу, Жаҳонгир Абдусаломов, Акбар Худойбердиев, Анваржон Ҳожимирзаев, Азизбек Амонов, Улуғбек Ҳошимов.
Иккинчи бўлимда захирадан майдонга тушганлар: Сарвар Каримов, Улуғбек Абдуллаев, Расул Йўлдошев, Кингсли Сарфо, Бектемир Абдуманнонов, Нурилло Тўхтасинов, Фирдавс Абдураҳмонов, Хислат Халилов, Миржаҳон Мираҳмадов, Абдулаҳад Ҳошимов, Беҳрузбек Облоқулов.
