Пайшанба куни Криштиану Роналду ўзининг 41 ёшини нишонламоқда. «Манчестер Юнайтед»даги собиқ жамоадоши Рио Фердинанд португалиялик юлдузга ўз табрикларини йўллади.
Фердинанд ижтимоий тармоқларда Роналду билан тушган эски суратини эълон қилди. Ушбу сурат «Манчестер Юнайтед» машғулотлари вақтида олинган.
«Туғилган кунинг билан, дўстим», — деб ёзиб қолдирди Рио.
Криштиану Роналду ҳозирда Саудия Арабистонининг «Ан-Наср» клубида тўп сурмоқда. Португалияликнинг амалдаги шартномаси 2026/2027 йилги мавсум якунига қадар мўлжалланган. Фаолияти давомида ҳужумчи беш бор «Олтин тўп» соҳибига айланган.
Жума куни, 6 февраль куни «Ан-Наср» Саудия Про-лигаси доирасида «Ал-Иттиҳод»ни қабул қилади.
