«Барселона» ҳимоячиси Жоау Канселу бугун 34 ёшини нишонлаётган Неймар ҳақида ўз хотиралари билан ўртоқлашди.
«Мен Мбаппега қарши ўйнаганман, аммо «Барселона»даги энг юқори спорт формасидаги Неймар мен учун энг қийин рақиб бўлган», — дея Канселунинг сўзларини келтиради Barca Universal.
Неймар ҳали ҳамон тарихдаги энг қиммат футболчи мақомини сақлаб турибди. 2017 йилнинг ёзида «ПСЖ» бразилиялик футболчининг трансфери учун «Барселона»га 222 миллион евро тўлаган эди. Ушбу рекорд сумма қачон янгиланишини айтиш қийин.













