«Ал-Ҳилол» Саудия Арабистони чемпионати 21-тури доирасида сафарда «Ал-Охдуд» жамоасини тор-мор келтирди — 6:0.

Меҳмонлар сафидаги дебют ўйинида Карим Бензема хет-трик қайд этди. 38 ёшли француз февраль ойи бошида «Ал-Иттиҳод»дан трансфер қилинган эди.

Шунингдек, «Ал-Ҳилол» аъзоси Салем Ал-Довсари дубль қайд этган бўлса, яна бир голга «Зенит»нинг собиқ аъзоси Малком муаллифлик қилди. Бразилиялик футболчи голдан ташқари ўз ҳисобига учта голли узатмани ҳам ёздириб қўйди.

Ҳозирда «Ал-Ҳилол» 50 очко билан Саудия Арабистони чемпионатида пешқадамлик қилмоқда. «Ал-Охдуд» (10 очко) эса турнир жадвалида 17-ўринни эгаллаб турибди.