«Ливерпуль» қишки трансфер ойнаси ёпилишидан аввал таркибни кучайтира олмади. «Қизиллар» жароҳат олган Жереми Фримпонгнинг ўрнига янги ўнг қанот ҳимоячисини сотиб олмоқчи эди, бироқ бирорта футболчи билан келишувга эришилмади. Мерсисайдликлар учун «РБ Лейпциг»дан ижара асосида «Сандерленд»да ўйнаётган Лютсхарел Гертрейда асосий номзод бўлиб турган эди.
«Трансфер ойнаси очиқ бўлган вақтда таркибни кучайтиришга ҳаракат қилдик, бироқ сиз айтган футболчини (Гертрейда) якунда қўлга кирита олмадик. Аммо биз ҳаракат қилдик — бу аниқ, мен бу ҳақда аввал ҳам айтганман. Менга янги футболчилар керак эди ва трансферларни истаган ягона одам мен эмасдим», – дея Арне Слотнинг сўзларини келтирмоқда Anything Liverpool.
Якшанба куни «Ливерпуль» Премьер-лиганинг 25-тури доирасида ўз уйида «Манчестер Сити»ни қабул қилади.
