Лондоннинг «Арсенал» клуби собиқ футболчиси Пол Мерсон Майкл Кэррикнинг «Манчестер Юнайтед» бош мураббийи сифатидаги истиқболлари ҳақида гапирди.
«Унинг доимий ишга эга бўлиш учун ягона имконияти — кетма-кет тўртта мағлубиятга учраб, кейин ҳаммасини тўғирлай олишида. Катта лавозимларга номзодлар айнан шундай сериялардан кейин баҳоланади. Масалан, Сульшер буни уддалай олмаган эди. Агар Майкл буни амалга ошира олса, демак у босимга дош бера олади», — дея экспертнинг сўзларини келтирмоқда Sportskeeda.
24 та турдан сўнг «қизил иблислар» турнир жадвалида тўртинчи поғонани эгаллаб турибди. «МЮ» навбатдаги ўйинини 7 февраль куни Лондоннинг «Тоттенхэм» жамоасига қарши ўтказади.
