Англия терма жамоаси ва "Манчестер Юнайтед" собиқ ҳужумчиси Уэйн Рунининг ўғли — Кай Руни "қизил иблислар" билан янги келишув имзолаши мумкин. Бу ҳақда "Tribal Football" журналистлари хабар бермоқда.
Манбанинг маълумотларига кўра, манкунианликлар клуби раҳбарияти ҳамкорликни узайтириш бўйича музокаралар ўтказишга тайёр. 16 ёшли ҳужумчи бир йиллик меҳнат шартномаси имзолаши мумкин, бу эса кейинчалик 50 минг фунт миқдоридаги маош кўзда тутилган профессионал контрактга айланади.
Англия чемпионатининг 24 туридан сўнг "Манчестер Юнайтед" турнир жадвалида тўртинчи ўринни эгаллаб турибди. Майкл Каррик шогирдлари Премьер-лигадаги навбатдаги учрашувни Лондоннинг "Тоттенхэм" клубига қарши ўтказади.
